Eskola inklusiboa: Ana Casas eta Leire Darretxe 2012-09-02
“Ez
da ‘autista’, Mikel da. Umea da, ikaslea da, eta, ume den neurrian,
premiak ditu; hortik datoz desgaitasun eta gabezia guztiak”.
“Zer
da normala izatea?”. Horixe galdetzen dute Ana Casasek eta Leire
Darretxek, hurrenez hurren Deustuko eta EHUko unibertsitateetako
irakasleek, eskola inklusiboari buruz ikastaroak ematen dituztenean.
Eta ez dute ‘normaltasunaren’ definizio esanguratsu, funtzional,
bakar eta baliagarririk jaso, ‘normala’ baita desberdina izatea.
Horregatik, lehenik
eta behin, aniztasunaren argazki bat egin behar dela diote, eta, argazki
horretan, desgaitasunak, jatorri-ugaritasunak, genero-desberdintasunak
eta beste hainbat alderdi sartuko lirateke. Horren ondoren, argazki
horri begiratzeko ‘betaurrekoak’ garbitu edo aldatu egin behar ditugula
diote. Horrela, etiketak kendu edo alboratu ondoren, ume
bakoitzarengana gerturatuz erantzun ahal izango diote irakasleek eta
ikastetxeek beren geletako aniztasunari.
iruzkinik ez:
Argitaratu iruzkina